6 Inhaat ne : Ɓoyi na soke ƴissuut, na nguɗe ƴissuut te yi na soke laayiɗ, na nguɗe laayiɗ. 7 Kon yaa nu nga eɗohaat ini a kooɗkee eɗoh ŋ keeñiŋ ɗe, inwaaso ambuu ɗe nga, keeñiŋ ɗe soos nga ; Kooh waaɗ ɓoyi na eɗohe te a sum nga. 8 Te Kooh miniɗ ɗu on in baahiɗ nu nik, ɗu genan raak in nu ɗu etoh ɗah, ɗu raak po ca gaacaac, ɗu min tum in baahiɗ nu nik. 9 Findi Fiis ci woyoha an :
« A na payse ñakiɗ ci laayiɗ,
baah kiŋ ɗe gen gen. » 9:9 Sabuur 112:9
10 Kooh yi na eɗe sokohi tisoh, na kañam pesoha, a hey ɗu name eɗ tisoh, a ɓaata po baah kiŋ ɗu raak rim laayiɗ. 11 Ŋ ineem, ɗu hey nike heɗ raak-raak ŋ in ci jen, ɗu min onoh keeh-keeh, ɓo' laayiɗ corkiɗ Kooh ŋ in ci ɗu eɗan ɓoo ne ɓoo eɗ ɓa ca. 12 Laam eɗohiŋ ɓaatɗohii, wa topɗi rek ŋ ɓaatɗoh kosiɗ ci ŋ etoh ciŋ ɓa, waaye wa hey tahe po corkiɗi Kooh corkiɗassan uup nga laay.
/images/a/b7d72741-6189-4a89-94c2-43952d9f2700)
/images/a/6c03efee-c76a-4ab8-fe2e-555683f90900)