8 Ɓaah ciŋ ngo ŋ keeñkoh, raakiɗ ini ɗu joyɗi alkoh, weɗ ne mbeh yino ŋ Heɗi mand na kiis junni (1000) te kiis junni (1000) mand na mbeh yino nga ɗe. 9 Heɗi raɓuuɗi ŋ ini a gapohee tum, findi ɓum liiɓoha. A na muñɗee ɗu, a waaɗɗi ne ali ɓo' nga ɗu sooƴ, waaye a waaɗ ne ɓooɓi jen ɓoƴsoh pesohaaɗ.
10 Waaye mbehiŋ Heɗi hayan findi rokoh. Ŋ mbeheem, eel ci hey coote na ɗuuɗ tiitɗohiɗ, in ci nik nga doh po ca yahrukoh, kehƴi na in ci haɓɗu nga jen hey atte’se3:10 Raakiɗ fiis ŋ fiis ci ɗeɓgaan, ci woo ne : "kehƴi na in ci nik nga jen hey sooƴe" ; cinooci nammba woo inii : "kehƴi na in ci nik nga jen hey naaye".. 11 Nik ne in ci jen yahrukohan ɗaa ɗah, ɗu joyiɗ pes pes hooliɗ wuu Kooh, te ɗu ŋoɗ nga ɗe. 12 Ɗu sekee te ɗu seesuk mbehiŋ Kooh, wi eel ci jaalohan, ca yahrukoh, te in ci nik nga doh po ca naay. 13 Ɓoo nak, ɓoo ɓii sek eel as na keheƴ as, ɗiski yurah gen, findi Kooh gapoha.
/images/a/b7d72741-6189-4a89-94c2-43952d9f2700)
/images/a/6c03efee-c76a-4ab8-fe2e-555683f90900)