2 Timóteo 3

Findi ɓooɓi mandan ŋ jamanooci mirndohan

1 Inha inii baahiɗ, Timoote : Ŋ mbeh ci mirndohan, jamano hey miske. 2 Ɓooɓi waaɗan haf ciŋ ɓa dong, ɓa waaɗ kopor, ɓa waaɗ teeɓohuk, ɓa waaɗ hotsiɗuk ; ɓa nikan ɗaloh Kooh, ɓa kerhiɗanɗi ɓi rim ɓa, ɓa inhanɗi corkiɗoh te ɓa eɗissanɗi cir in ciŋ Kooh. 3 Ɓa hey suusse keeñ, ɓa waaɗanɗi jam, ɓa nikan yahoh tiik, ɓa minanɗi amb haf ɓa, ɓa nikan añaandiɗ te ɓa sang in baahiɗ.