14 Wa raakeen ɓitiɓ nga ɓa teeku Liidi, a nikee toonoh cuup ruumind, a genee kur-taahaŋ Tiyatiir, a nikee ɓo' nupiɗ Kooh. A sikɗukeeɗa ɓoo baahiɗ. Heɗ ɓoo rangissa keeñiŋ Liidi yeem po a teyɗukka ini Pool woye. 15 A ɓoktuusa a yi na ɓi kahan ce, ƴutta a kiimmba ɓoo ne : « Nik ne ɗu hotiɗ ne ŋ kosiɗ Heɗ ɓoo ɗah, hayaat ɗu dal ŋ kahan ndo. » A tummba po ɓoo teyɗukka.
30 Ƴutta a puliɗta ɓa ŋ hara, a meekissa ɓa ne : « Kilifaaci, ŋ joy tum na po ŋ min muc ? » 31 Ɓa loffa ɗe ne : « Kosa Yeesu Heɗi, fu hey muce, fu na ɓi kahan fu. »
32 Ŋ ineem, ɓa woosa ɗe woo kiŋ Heɗi, a yi na ɓi gen kahan ce jen. 33 Ŋ wahtuuneem ŋ ɗooƴ weka, ƴaara niiɗee kasoona ɓayya Pool na Silaas, a ɓookiɗta ɓa gaañ caŋ ɓa ; a ɓoktuusa ŋ ɗiska ɗiska, a yi na ɓi kahan ce jen.