Fuuɗsi Hoolohngaani ɓeeɗkiɗ Pool ne a kaɗ Maseduwaan
6 Fuuɗsi Hoolohngaani hondohha Pool na Silaas yegɗoh Yegɗohiŋ Muci ŋ kur caŋ Asi. Weɗ ɓa taamboh ŋ ɓakiŋ Firisi wi ɓaah ŋ Galaat. 7 Wa ɓa ree ŋ sero kur caŋ Misi, ɓa jeemmba kaɗ caŋ Bitini waaye Fuuɗsiŋ Yeesu onɗi ɓa ne ɓa kaɗ ndaam. 8 Weɗ ɓa taamboh ŋ Misi, ɓa kaɗta Torowaas, ŋ sero cookma. 9 Na weka, in hayɗohha Pool findi heeƴ : An a hot ɓo' gen Maseduwaan tufkiɗ kiimeeɗa ɗe keeh-keeh ne : « Aasa bato, fu hay Maseduwaan, fu ɓaatɗoh ɓoo ! »
10 Wa Pool heeƴ heeƴeem, wa hooleen ɓoo ne e Kooh na ɓeeɗke ɓoo ne ɓoo kaɗ woya Yegɗohiŋ Muci ŋ ndaam. Jaarra ɓoo markeeɗa findi ɓoo kaɗohan Maseduwaan.