Pool ŋ fiki Galiyoŋ, goornoora
12 Ŋ jamanoonaam, Galiyoŋ tumuusa goornooraŋ Rom ngaŋ Akaay, jaarra Yawuut ca hunnda, ɓa hiñoheeɗa Pool, ɓa ɓayya ɗe ŋ atte’ohaana, 13 ɓa woosa ne : « Ƴaarii na ɓeke ɓooɓi ŋ ñaamuk Kooh ñaamuk ɗalohiɗ na wi waasi nakoh. »
14 Pool heeɗa woye, hennda Galiyoŋ woosa Yawuut ca ne : « Sikɗukaat to ɗu ɓi Yawuut ci, nikee ne a tum njaahum wala ro' yakak ɗah, ŋ heen ɗu ɓoofɗe ŋ sikɗuk ɗu ; 15 waaye wii, wa taastiɗoh ŋ woo na tiik ŋ ini kaɗ ŋ waasiŋ ɗu. Weem wa wuu ɗu, ŋ waaɗɗi nik atte’oh ŋ ini kaɗ ŋ in ceem. » 16 Ŋ ineem, a aannja ɓa ŋ atte’ohaana.
17 Weɗ ɓa hunoh jen, ɓa ammba Sosten ya adgohee sinaagoga, ɓa laɓeeɗa ɗe ŋ fiki atte’ohaana, waaye Galiyoŋ faaleeɗi ɓa.