18 Laayiɗ ŋ ɓa hanee kos hayya, ɓa woyeeɗa bakaaɗ ciŋ ɓa, ɓa teeɓoheeɗa ŋ fiki ɓooɓa in ca moɗaaɗiica ɓa meeɗ tum. 19 Laayiɗ ŋ ɓa meeɗ luhus hayeeɗa na kayit ca ɓa meeɗ jangoh luhus, ɓa doheeɗa ca ŋ fiki ɓooɓa jen. Candoomaŋ kayit ca kinduusa, wa nikka darakma19:19 darakma : hanjar ŋ Gerek ci, wa hendeen na ini ɓoyi na pangke bumit wirndassee ŋ noh yino. Wa meeɗeen tumu findi libidoor. junni-ndaŋkiyaah-yatuus (50.000) ŋ koporaŋ ɓa.
20 Wa taambohha ɗaa, ŋ hatiliŋ Heɗi, woo kiŋ Kooh uupeeɗa nga uup kerhuk te hatiliŋ wa uupeeɗa nga uup hotuk.