Kosiɗ ci kiimiɗ Kooh
23 Wa Piyeer na Saaŋ faɗsu, ɓa kaɗta ŋ huntoh caŋ ɓa, ɓa naandsukka ɓa in ca kilifaacaŋ seeƴkiɗoh ca na yakak ca woo ɓa jen. 24 Wa ɓa kerah ineem, ɓa jen ɓa hunnda ɓa kiimeeɗa Kooh an : « Heɗ ɓoo, a fu fer Eel ci na kehƴi na cookmi na in ci nik nga ca jen.
29 Ɗiski wa nik ndii, Heɗ ɓoo, marka findi ɓa na huflukohee ɓoo. Ona ɓoo, ɓi ñaam ciŋ ɗa, ɓoo yegɗoh woo kiŋ ɗa te ɓoo neƴƴohuu nga. 30 Raɗsa hatiliŋ yaahiŋ ɗa ne wir raak na ɓi firnde na keemaan ŋ tiikiŋ Yeesu surgaaniŋ ɗa hooliɗi. »
31 Wa ɓa ƴut kiim Kooh, ɗiska ɓa cohee yoondeeɗa. Ɓa jen, ɓa riiffa na Fuuɗsi Hoolohngaani, ɓa yegɗoheeɗa woo kiŋ Kooh te ɓa neƴƴoheeɗi nga.