Tum ciŋ Apootar ci 8

Filip woyiɗ Yegɗohiŋ Muci ŋ kur caŋ Samari

5 Ŋ pasarkoheem, weɗ Filip kaɗoh kur-taah ngaŋ Samari, a yegɗohha Mucɗohi Gapohse ŋ ndaam. 6 Wa ɓa kerah ɗe te ɓa hotta firndeeca a tume, mboolnda jen hunnda, tummba tek, ɓa sikɗukeeɗa ɗe baahiɗ. 7 Laam jiini laayiɗ nikee puleeɗa na leehuk ŋ kosaayiɗ ca te lafañ laayiɗ na ɓeendkiɗ laayiɗ wirra. 8 Ŋ ineem sum keeh-keeh raakka ŋ kur-taaheem.