Sool kosiɗ Yeesu
1 Ŋ ini kaɗ ŋ Sool, a genee dabgiɗ ap taalubeeciŋ Heɗ ɓoo. A kaɗta ŋ seeƴkiɗoha yakka, 2 a meekissa ɗe kayit ca a ɓayan wuu sinaagog caŋ Damas ; ne a raak ɓi ƴaar mbaa ɓitiɓ nga taambɗee waasiŋ Yeesu ɗah, a amb ɓa, a ɓay ɓa Yerusalem.
3 Wa a kaɗ po a heeɗa ree Damas, ɗekka po ñiin puloh Eel ci willa ɗe, siñaarɗeeɗa. 4 A keennda ŋ kehƴi, a kerahha hooso woyeeɗa ɗe ne : « Sool, Sool, waaye tah fu tolfiɗee so ? » 5 A loffa ne : « A fu ɓa Heɗi ? » Hoosoora woosa ɗe ne : « E ñam Yeesu yi fu na tolfiɗe.
15 Waaye Heɗ ɓoo woosa Anañaas ne : « Kaɗa, laam ƴaareem, ñam kooɗ ɗe ne ŋ njirñiɗkoh ɗe. A hey inhiɗohe tiikiŋ ngo ŋ heet ci nikɗi Yawuut, na buur ciŋ ɓa na Israayel ci.
17 Wa a kerah woo keem, Anañaas kaɗta. A aassa ŋ kahna, a degga Sool yaah ciŋ ɗe, a woosa ɗe ne : « Sool taambɗoh ho, Heɗi a yi tuuƴ co, Yeesu, yi teeɓuk ɗa ŋ waasi wi fu na haye ; a yi tuuƴ co ne fu hotis te fu riif na Fuuɗsi Hoolohngaani. »
20 Ŋ ɗiska ɗiska, a cammba yegɗoh ŋ sinaagog ca ne Yeesu a yi Kuɓkiŋ Kooh.