Resultados da busca por "fé"

7Mi yii fiisiɗ ɗu kaytii, ɗu ɓi nik ŋ Rom jen, ɗu ɓi Kooh keeñkoh te a ɓeeɗukka ɗu ne ɗu hool wuu ce. Kooh Baabiŋ ɓoo baahohaat ɗu, a on ɗu jam ! Yeesu Kiristaa Heɗi baahohaat ɗu, a on ɗu jam !

25Ɓa na faɗe keeh kiŋ Kooh, ɓa ambee ŋ lee ; te ɓa ñaamkee, ɓa pangkiɗee feruuɗ ci, ɓa sang ñaamuk na pangkiɗ Ferohi, Kooh, yi yakɗaah po faw ! Amiin !

32Ɓa inhiɗ findi Kooh atte’oh in ceem : Ɓi na tume in ceem yeyyoo kaan. Waaye ɓa na tumee ca, ɓaatta nga, ɓa neɓsee ŋ ɓi na namee ca tum.

6Ŋ niki ɓoo nik ŋ Kiristaani Yeesu, a hultiɗiɗ ɓoo na Kiristaani, a ɓoofiɗta ɓoo na ɗe ŋ Eel ci.

10Laam ɓoo haɓɗuuɗ ciŋ Kooh, a feris ɓoo ŋ Kiristaani Yeesu, ne ɓoo tum in ci baahiɗ ci a kooɗkiɗ ɓoo po ƴutta, ne ɓoo pesoh ca.

12Ɗu raakeeɗi Kiristaani ŋ jamanoonaam, ɗu ɓaaheeɗi ŋ cuuɓiŋ Israayel na ambtiɗoh ciŋ Kooh na ɓa, na gapohi ca puloh. Ɗu nikee ŋ Adina, ɗu raakeeɗi yaakaar, ɗu raakeeɗi Kooh.

17Ɓo' nikka ŋ Kiristaani ɗah, a na nike feruuɗ as. In ca maañiɗ ca cootiɗ, in ci jen as kotii.

19Weɗ ne Kooh nikee ŋ Kiristaani kerhiɗohɗeeɗa ɓi Adina na haf ce, te a marakɗi ɗal ciŋ ɓooɓi. A eɗ ɓoo woo kiŋ kerhiɗohi ne ɓoo yegɗoha.

20Ɓoo nikiɗ Kiristaani ; wa mand haa a Kooh na ñaahee ɗu taamboh nga ɓoo : Ɓoo kiim ɗu wa kiim ŋ tiikiŋ Kiristaani : Teyɗukaat kerhiɗohɗu na Kooh !

4Moona mi, ŋ mineen oolkoh ini kaɗ ŋ faan. Nik ne a ɓum oolkoh ini kaɗ ŋ faan ɗah, ŋ woyisɗi ɗa mi :

5Ŋ nguɗuk ŋ mbeha yasna-kaahayɗoh,3:5 Camba 17:9-14 ŋ rimkaŋ ngo poyi ŋ ɓo' Israayel, ŋ ɓaah ŋ cuuɓiŋ Benyaamin, ŋ Heber, ŋ rimu Heber. Ŋ ini kaɗ ŋ waasiŋ Musaa, ŋ Farisen.

8Te ɓaat nga, ŋ amb ne in ci jen ca ñak, laam in ceem jen, inhi ŋ inah Kiristaani Yeesu Heɗ to, uup ca fuuf. Saguuce tahiɗ po ŋ teyɗukiɗ faɗ in ci jen, ca mbalit nga so kotii, ne ŋ raak Kiristaani.

16Ɓo' nu raak nof ɗah, kerhaat.] »

19Ca na aaseeɗi ŋ keeñiŋ ɗe, ca na kaɗe ŋ rookiŋ ɗe, ƴut ɗah ca bilafsuku. » Ŋ woo ceem, Yeesu hooliɗta kañam ci jen.

25Wa raakeen ɓitiɓ nga, kuɓkaŋ ɗe ɓitɓa ƴina, a jiini nikee na ɗe. A kerahha ɓooɓa woyeeɗa ŋ ini kaɗ ŋ Yeesu, a jaarra hay nga ɗe, a ƴekka ŋ kot ciŋ ɗe.

10Ŋ ineem ɗu hey mine pes pesi teeɓoh ne ɗu ɓaah ŋ Heɗi te ɗu neɓ ɗe ŋ in nu in. Ɗu tumee in baahiɗ nu nik te in ci ɗu tum rim in, te ɗu ɓaat inah Kooh.

18A yi hafiŋ faani,maanaam Janguuni.A yi cambohaaniŋ wate a yi koc hulitŋ kaaniɗ cine, ŋ in ci jena nik Yi ɗeɓ.

24Te ɗiski wa nik, ŋ sumiɗ ŋ miskiɗ ciŋ ngo wuu ɗu. Mi yii teyɗuk tolfiɗu wuu ɗu, findi Kiristaani hee wa tumohe ne a nikeen ndii, a yi ŋ haf ce ɗah. Kon mi yii tolfiɗu wuu faaniŋ ɗe, wi Janguuni.

3Melkisedek nak ɓoo inhiɗɗi ɗe baab, ɓoo inhiɗɗi ɗe yaay wala caac. Te wa raakɗi ɗiski rimuukiŋ ɗe wala kakaan kiŋ ɗe fiisu. A mand na Yeesu Kuɓkiŋ Kooh, a seeƴkiɗoh po faw.

17Laam Fiis ci woyiɗ inii nga ɗe :« Fu tufkiɗuuɗ Seeƴkiɗoh po faw,Seeƴkiɗoh findi Melkisedek. »

27A mandɗi na seeƴkiɗoh ci yakak ci ɓinooɓi ne mbeh nu nik, ɓa joyiɗ seeƴuk sagu bakaaɗ ciŋ ɓa haf ɓa, po ƴut, ɓa seeƴkis sagu caŋ ɓooɓa.7:27 Lewiici 9:1-24; 16:1-34; Kind ci 28:1–29:39 Yeesu seeƴkiɗ waas yino po faw wi a eɗoh haf ce ne a hooliɗ bakaaɗ ci.

24Kuɓkiŋ ɓoyi hey kurke nga findi Fiis ci woyoha nga ɗe, waaye mas ɓoyi na hee ɗe eɗndohe ŋ ɓi sang ɗe, ini ngisohee ŋ ɓoyeem weɗ ne a rimkuu. »

54Ŋ tuma ɗah, kon in ci Fiis ci woo raakohan na ? Fiis ci ceɗ woo ne in ci joy nikoh an. »

64Yeesu loffa ɗe ne : « Fu woyiɗa ! Te ɓaat nga ñam na woyee ɗu wa, ini kooɗoh ndii ɗu hey hote Kuɓkiŋ ɓoyi ɓoofiɗ ŋ ñaahmiŋ doolndiŋ Kooh, ɗu hey ɗe hote ŋ ɗafuk ɓi eel, ca haytohee ɗe. »

7Te fu, ŋ in nu wa min ki nik ɗah, nika altiɗkohaah ŋ tum in baahiɗ na jangɗoh yurhiɗ. Jangɗohiŋ ɗa joyiɗ nawu,

14A eɗohiɗ haf ce wuu ɓoo ne a tos ɓoo ŋ moɗaaɗi nu nik. Ŋ hoolɗi a hooliɗ ɓoo, a tumiɗ ɓoo cuuɓ hooliɗ, ɓoo nikka cuuɓi a raak, cuuɓi sawaran ŋ tum in baahiɗ.

15Fu joy jangɗoh in ceem Tit, fu ñaahee ɓi na sikɗukee ɗa, fu kuƴsee ɓa, wa hun na kikilifa mitiɗ. Ali ɓo' kinaat ɗa heef !

1Mi yii kañiɗ ɗu, ɗu ɓi ɓo'-Kooh ci nik [ŋ Efes]. Mi yi Pool, Apootariŋ Kiristaani Yeesu ŋ ini Kooh waaɗ, mi yii fiis ɗu, ɗu ɓi hool wuu Kooh te ɗu carra oolku ŋ niki ɗu nik ŋ Yeesu Kiristaa.

5a ambeen nea hey ɓoo tume kuɓuuciŋ ɗetaamboh ŋ Yeesu Kiristaa.Ineem weɗ a waaɗ ŋ baah kiŋ ɗe,

7Ŋ aami a aam ñif miŋ ɗe,a pulɗohiɗ ɓoo ŋ baahaaɗi,ɓoo ɗaasuuɗ bakaaɗ ci.Weɗ yakkiŋ baahohiŋ Kooh,

1Kiristaani naafiɗ ɓoo ne ɓoo raak haf ɓoo. Kon, ndengɗukaat, te kinaat dokkis ɗu nikis ñaam.

14Nakoh ciŋ waasi jen, ɓo' miniɗ ca rohƴiɗ ŋ woo yino, an : « Waaɗa morom fu findi fu waaɗoh haf fu. »5:14 Lewiici 19:18; Luk 10:25-37

19Ɓooɓi jen inhiɗ ini taambiɗ kiñin na rime : Faankoh sangohuuɗ, usɓiɗ haf fu, cakaay,

8Fiis ci woyiɗ ne : « Waaɗa morom fu findi fu waaɗoh haf fu. » Mbaa, ɗu taambɗoh waasiŋ Kooh, Heɗ Nguuri, ɗaa ɗah, ɗu haɓiɗ in baahiɗ.

18Waaye, ɓo' miniɗ woo morom ce ne : Fu raak kos-kos, ŋ raakka tum-tum. Teeɓ po kosiŋ ɗa wi hunɗi na tum, ŋ teeɓ ɗa kosiŋ ngo ŋ tum-tum.

19Fu kosiɗ ne Kooh yino ; ineem in baahiɗ. Waaye jiiniici na baahaaɗiikiŋ ca sah kosiɗa po ca na saakɗohe saakɗoh nga.

6Ɓaah ci, ɓoo na nakee ɗu ŋ tiikiŋ Heɗi Yeesu Kiristaa, ne ɗu us ɓaah nu na pese pes palañsukohiɗ ɗah. Laam, ɓaah mand ɗaa pesohɗi jangɗohi a rahsoh nga ɓoo.

16Heɗi ŋ haf ce, yi Heɗ jam, onaat ɗu jam ŋ in nu nik, na findi wa min mand ɗah. A nikaat na ɗu jen !

18Heɗ ɓoo Yeesu Kiristaa baahohaat ɗu jen !

3Ini kaɗ nga so, ali nik ne ŋ nikɗi ndeem sah, mi yii ŋ serooɗu ngaŋ liiɓ po haa mi yii na ɗu, ŋ ineem, ŋ atte’iɗ ƴaareem po ƴutiɗ.

5ɓoo aañ ƴaareem, faɗ ɗe na Seytaani. Pesohaaɗiŋ ɗe weem yahrukoh, ruuhiŋ ɗe min mucɗu ŋ mbehaŋ Heɗi.

6Raakɗi ini ɗu joy ndamkoh ! Ɗu inhiɗ woo kii an : « Lawiir ƴissuut na guufɗe muni jen. »

1Komaakciŋ ngo, mi yii fiis ɗu in ceem ne ɗu bakaaɗuu. Waaye yino nga ɓoo bakaaɗ ɗah, ɓoo raakiɗ Yi ngelɗan ɓoo ŋ fiki Baabi, a Yeesu Kiristaa, Yurhiɗi.

22Ya ɓa leyohi ? E yi taas ne Yeesu a yi Kiristaani2:22 Ŋ jamanoonaam, raakiɗ ɓi teyɗukee ne Kiristaani nikee Kuɓkiŋ Kooh, a hay hay ŋ Adina, waaye a nikeeɗi ɓo' njaay findi ɓoo, a nikee puuɗis, a aassa ɓo' njaay teeku Yeesu. Kon nga ɓa Yeesu pulohɗi Eel ci, a hayɗi Adina, te a nikeeɗi Kiristaani, a nikeeɗi Kuɓkiŋ Kooh. Saaŋ woo ndii ne ɓo' nu woo ineem ɗah, a leyoh, te ngaŋ saar 4, aaya 3, a woo ne ɓoyeem, liiɓ ciŋ ɗe, ca liiɓ ciŋ sangiɗiŋ Kiristaani. Nama marak saar 4, aaya 15 na saar 5, aaya 1.. Yeem, a yi sangiɗiŋ Kiristaani, yi taas Baabi na Kuɓki.

26Ineem weɗ ŋ waaɗee ɗu fiis ŋ ini kaɗ ŋ ɓi na muuƴɗee ɗu.

5Ɗu liiɓiɗ ne ini Fiis ci woo, wa ɗi ŋ ɓarngi e ? Ne : « Kooh waaɗiɗ ruuhi a geniɗ nga ɓoo te a fiiriɗ nga lool. »4:5 Ini fiisu ndii ngaŋ gerek, wa raakɗi aayaani woo in mand ɗaa jok ŋ Fiis ciŋ Ambtiɗohi Koc, waaye ini wa woo, ɓo' miniɗa hot ngaŋ teerndiŋ Camba 2:7; 6:3; Pula 20:5; 34:14. Wa namiɗ min nik ne aaya 5 na 6 joyeen toksu an : "Ɗu liiɓiɗ ne ini Fiis ci woo, wa ɗi ŋ ɓarngi e ? Inhaat ne Kooh waaɗiɗ ruuhi a geniɗ nga ɓoo te a fiiriɗ nga lool. Waaye a baah kiŋ ɗe weɗ uup. Kon ini Fiis ci woo, weɗ ne : « Kooh hunɗi na yaksiɗkoh ci, ɓi ruhsiɗ haf ɓa, ɓeɗ a na teeɓe baah kiŋ ɗe. »"

10Ruhsiɗaat haf ɗu ŋ fiki Heɗi, a hey ɗu meeɓe.

12A yino na tufkiɗe waas a atte’e. A yi dong min mucɗoh, a yi min ɗumboh. Kon fu yi na atte’e morom fu, yaf ɓa ?

1Kon, Kiristaani degseen miskiɗ ŋ faaniŋ ɗe. Mbaa ɗu nak, ganaaykohaat liiɓohaaɗeem, laam, ɓo' nu degu miskiɗ ŋ faaniŋ ɗe ɗah, a reehɗukohiɗ na bakaaɗ.

6Ineem weɗ tah kaaniɗ ci woyuuɗ Yegɗohiŋ Muci, ne ɓa min pes ŋ fiki Kooh ŋ kipes ki hun na Fuuɗsi Hoolohngaani. Ɓa min pes, ali nik ne sah, ɓa hey atte’se findi ɓo' na atte’ohse, ngaŋ kipes ka ɓa raakee wa ɓa nikoh na faan caŋ ɓa.

13Neɓsaat kay ŋ ɓaahi ɗu ɓaah ŋ miskiɗ ciŋ Kiristaani. Ŋ ineem, ɗu hey riife na sum keeh-keeh, ŋ mbehi yaki a yak teeɓohsan.

3ɓa kinaat ɗu muuƴiɗ ŋ in nu wa min nikoh ɗah.Mbeheem hayanɗi muk feeh laayiɗ faɗɗi kos Kooh ɗah2:3 "feeh laayiɗ faɗɗi kos Kooh ɗah" : ini gerek woo ndii, wa namiɗ min toksu "feeh ɓi Adina kaɗɗi po ɓa sang kikilifaakiŋ Kooh". ; na feeh Ɓoyi Baahaaɗiini, hotukɗi ɗah. Ɓoyeem mirndohan ɗumbu.

8Teemb ndeem, Ɓoyi Baahaaɗiini hey hotke, ŋ mirndaani Yeesu Heɗi hey ɗe fuuɗse, a kaan. Siñaarɗiŋ hayiŋ ɗe dong weɗ na hee ɗumbe ɓoyeem.

12ŋ ineem, ɓi kosɗi keeh ki jen te ɓa neɓuusa ŋ ini lahɗi waas, ɓa hey atte’se.

6Ŋ hotta ne ɓitɓeem laariɗ ŋ ñif miŋ ɓo'-Kooh ci na wiŋ seedeeciŋ Yeesu. Wi ŋ hot ɗe, ŋ feyuusa lool.

7Malaakaani woosa so ne : « Wa joyɗi ɗa fey. Ŋ hey ɗa teeɓe ini ɗasɗukiɗi kaɗ ŋ ɓitɓi na ɗoopti ɓay ɗe, yi raak haf ci yasna-kanak ci na wiic ci ndaŋkiyaah ci.

16Wiic ci ndaŋkiyaah ci fu hot na ɗoopti fu hot hey sange ɓitɓi toonkohi. Ɓa hey ɗe tume tas-ɓarang dung, ɓa ñam septiŋ ɗe, ɓa hey ɓarngiɗe kur-taahi, ɓa doha.

3Te fu yi ɓaah ho keeh-keeh ngaŋ pangki4:3 "yi ɓaah ho ngaŋ pangki", wa "sisigos" ngaŋ gerek. Ŋ peɗeem gerek, wa mand na tiik, waaye ali ɓo' inahseeɗi na tiikeem ŋ jamanoonaam. Poyi, wa miniɗ nik tiik. Nik ne wa tiik ɗah, ɓo' miniɗa toksoh an : "Ee, fu yi kooɗ tiikiŋ Sisigos keeh-keeh, mi yii kiim ɗa ne fu ɓaatɗoh ɓitiɓ ceem", mi yii kiim ɗa ne fu ɓaatɗoh ɓitiɓ ceem, ɓa ɓaahee na so hiñohi ŋ ini kaɗ ŋ Yegɗohiŋ Muci, ɓeɗ na Kelema na huntoh ciŋ ngo ɓinooɓi. Tiik ciŋ ɓa fiisuuɗ ŋ teerndiŋ kipes ki.

5Ɓooɓi jen inhaat baah kiŋ ɗu. Heɗi reɓiɗ.

21Kañɗaat ɓo'-Kooh ci nik ŋ Kiristaani Yeesu jen. Ɓaah ci nik na so ɓa ɗii kañiɗ ɗu.