E baahoh na tahe ɓo' mucɗu
1 Ini kaɗ nga ɗu, ɗu nikee kaaniɗ sagu ɗal ciŋ ɗu na bakaaɗ ciŋ ɗu. 2 Ɗu taambɗee pesohaaɗiŋ adinaanii, ɗu taambɗee Seytaani yi adgoh feruuɗ ci baahaaɗiici raak hatil ŋ harmban kehƴi na Eel ci, a yi na tumɗukohe ɓi sang Kooh. 3 Ɓoo jen, ɓoo ɓaahee ŋ ɓi sang Kooh, ɓoo pesohee taambiɗ kiñin ciŋ ɓoo ɗeɓgaan, ɓoo meeɗ tum ini faan ciŋ ɓoo na liiɓ ciŋ ɓoo waaɗ, te findi ɓoo nikohee, ɓoo sekɗohsee ayrukiŋ Kooh findi ɓinooɓi.