19 Ŋ ineem, ɗu nikisɗi hanhe wala ɓooɓi genohaah ; waaye ɗu gentoh ciŋ ɓo'-Kooh ci, ɗu ɓaah ŋ ɓi gen na Kooh kotii. 20 Ɗu taɓahu ŋ fondamaani, maanaam Apootar ci na woosuuɗ ci, te Kiristaani Yeesu ŋ haf ce nikka atoh fi amb taɓahi. 21 A yi amb taɓahi jen, po ɓak ci jen taɓahsee moɗoɗ, wa ɓaatee yak po wa nik kahan Kooh, hoolɗuuɗ taamboh ŋ Heɗi. 22 Ŋ niki ɗu nik nga ɗe, ɗu na name taɓahu ne ɗu hun na kosiɗ ci jen, ɗu nik genoha, wi Kooh genohan taamboh ŋ Fuuɗsi Hoolohngaani.