13 Ineem weɗ tah, ɓayaat ganaay ci Kooh eɗoh jen ; ŋ ineem, mbeh baahaaɗi hay ɗah, ɗu min hiñoh baahaaɗiineem te ɗu tum ini ɗu joy tum jen po ƴut ɗah, ɗu ris tufkiɗ jing.

14 Kon, tufkaat jing ; tokohaat kinoh ciŋ ɗu keeh ki, kiyurah nik kulɓa niiɗoha fisaaciŋ ɗu. 15 Ñafaɗ ciŋ ɗu nikaat sawar kaɗ yegɗoha Yegɗohiŋ Muci na onohe jam. 16 Ŋ in ceem jen, ɓaataat kos nga, wa nik ɗipkoha ɓis, ne ɗu min ƴim ɓis ci kaɓɗuuɗ ci Seytaani na weesee ɗu jen. 17 Teyaat kongi, weɗ muci, ɗu nam ɓay ndangiŋ Fuuɗsi Hoolohngaani, wi nik woo kiŋ Kooh. 18 Ŋ in ceem jen, genaat kiim Kooh, kiimaat ɗe ne a ɓaatɗoh ɗu. Ŋ in nu wa min nik ɗah, kiimaat Kooh, taamboh ŋ Fuuɗsi Hoolohngaani te ɗu neehuu ; ŋoɗaat nga, ɗu kiimɗee ɓo'-Kooh ci jen.