Naamooni yasna-nikiisɗoh : ñuusa
21 Wa a sang ɓa faɗ, Nikiɗi woosa Musaa ne : « Raɗsa yaahiŋ ɗa ŋ eel ci, kur ki ñuus, ñuusi ɓooɓi saaɓɗan saaɓiɗ. » 22 Musaa raɗissa yaahiŋ ɗe ŋ eel ci, ñuus tuɗ ruhussa ŋ Misra jen ina ree neeh kaahay. 23 Ŋ neeh ca kaahay caam, ali ɓo' mineeɗi hot morom ce te ali ɓo' nga ɓi Misra mineeɗi kuruk ŋ ɗiska a nik. Waaye ɗiska Israayel ca genee nikee ñiiniɗ.
28 Firawna woosa Musaa ne : « Pula ndii, te wortuka hotis pukiŋ ngo ; mbehi fu hotissan pukiŋ ngo, fu hey kaane. » 29 Musaa woosa ɗe ne : « Ee, a fu woo wa ; ŋ hotissanɗi pukiŋ ɗa. »