4 Fu sang ɗah, marka, kim a hey ruhsiɗe njeeleer ŋ kur kiŋ ɗa. 5 Ca hey riife kur ki po ca muur merhey mi jameet, ca ñam in ci toɓiŋ atoh ciŋ galacaac ci faɗ, ca heyɗi faɗe ali in ŋ kidig ciŋ bilaf fi.
7 Dag caŋ Firawna woosa ɗe ne : « Ƴaarii na hee ɓoo hey kafnde po kiɗa ? Faɗa ƴaaɓii ɓa coot, ɓa kaɗ ñaamka Nikiɗi Koohiŋ ɓa. Hanaa fu inahɗi ne Misra yahrukohiɗ ? » 11 Muk ! Ɗu ɓi ƴaar ci dong, kaɗaat ɗu ñaamka Nikiɗi, ineem weɗ ɗu kiim. » Weɗi ɓa aañoh ɓa ŋ ɗiskaŋ Firawna.
13 Musaa raɗissa ndooɗaŋ ɗe ŋ Misra, Nikiɗi puuɗissa ŋ pulohaaɗ-noh. Mbaɗi wa hooɓukka puuɗis, wa neehha puuɗis. Wa Kooh wiis, puuɗsa hayya na njeeleer ca. 14 Ca yipukka ŋ kur kaŋ Misra jen, ca yonnga ŋ ɗisik nu nik, njeeleer hend ɗaa laay hotohuuɗi ŋ Misra te ca moosanɗi hotissu nga. 15 Ca ulla merhey ma po wa minisɗi hotu, ca ñammba rim caŋ kidig ca na in ca nikee ŋ yohon ca jen, ca toɓaŋ galacaaca faɗe, ali in hiliir taseeɗi ŋ kidig ca na in ca nikee ŋ yohon ca ŋ kur kaŋ Misra jen.
19 Nikiɗi puuɗissa puuɗis raakiɗ hatil ŋ muyohaaɗ-noh, wa cootiɗta njeeleer ca jen, ŋ ɓakaŋ cookma na woyse Cookmaŋ-Hapeel-ca10:19 Cookmaŋ-Hapeel-ca : marka "hapeel" ŋ tiik ci inhassaaɗiici., ali njeeleer eleerkisɗi ŋ kur kaŋ Misra jen.