Pula 12

24 Ɗu na ɓi rimkohan nga ɗu, ɗu hey taambɗe nakohiŋ ɗe weem, ɗu tumee wa po faw, 25 ɗu kaɗ po ɗu aas kur ka a gapee ɗu ne a hey ɗu wa one ɗah, ɗu hey wa haɓɗe. 26 Kuɓuuciŋ ɗu meekis ɗu ini wa tokis ɗah, 27 woyaat ɓa ne : " Weɗ seeƴkiŋ Paak wuu Nikiɗi, yi ruhsiɗee naamo ŋ ɓi Misra, a ƴakaandukka kahan caŋ ɓoo te a muciɗta fah ciŋ ɓoo, wa ɓoo nikoh ñaam. " » Wa Musaa reehiɗ woo, Israayel ca ƴekka ŋ kehƴi ne ɓa ñaamuk Nikiɗi.