2 Ŋ ndaam, Israayel ca jen lahtukeeɗa ŋ Musaa na Aaruna. 3 Ɓa woyeeɗa ne : « Nikiɗi joyee ɓoo joy ap ŋ Misra ; ndaam, ɓoo nikee ɓoofiɗ na soƴeecaŋ sepet ca te ɓoo meeɗeen ñam po ɓoo kap nding. Waaye weɗɗi, ɗu ɓayiɗ ɓooɓi jen ndii ne ɓoo kaan na aɗ. »
15 Israayel ca hottaa, ɓa inahɗi ini wa nik, ɓa woyeeɗa ŋ harmban ɓa ne : « Inii wa ye ? » Musaa loffa ɓa ne : « Wa kañam ki Nikiɗi on ɗu ;
19 Musaa woosa ɓa ne : « Ali ɓo' kinaat ɗaak nga wuu kim na ɓaaɓa. » 20 Raakka ɓi kerhiɗɗi ɗe, ɓa ɗaakka ŋ caŋ ɓa po na ɓaaɓa, ca canginnda, ca oteeɗa ; Musaa ayrukka ɓa.
22 Ŋ mbeha yasna-yino’ɗoh, ɓa ɓayya ɗingiɗ wuu neeh kanak, weɗ ne haf nu nga ɗah, andaar kanak ; kilifaaca kaɗta ŋ Musaa, ɓa woosa ɗe wa. 23 A loffa ɓa ne : « Ineem weɗ Nikiɗi nakohe ; kim, wa mbehi hoolɗi na iɗsiɗkohse, wi Nikiɗi waɗu. Utaat ini ɗu waaɗ ut, ɗu tik ini ɗu waaɗ tik, ɗu ɗaak ini tas po kim na ɓaaɓa. » 24 Ɓa tummba ineem, ɓa ɗaakka wuu kim findi Musaa nakohoha, ɓa hotta ne ca otɗi, ca cangindɗi.