Musaa kooɗiɗ ɓi atte’oh ne ɓa ɓaatɗoh ɗe
13 Wa Kooh wiis na ɓaaɓa, Musaa ɓooffa ne a atte leer caŋ ɓooɓa. Ɓa hooɓukka tufuk ŋ fikiice na ɓaaɓa po na niina. 14 Yetoro payum ce hotta ŋ in ca a na haɓɗiɗe cuuɓa, na findi ca laayoh, a woosa ɗe ne : « Fu na haɓɗe ye wii, wa ye tah fu atte’ee kiik fu ? Mboolndi tufuk na ɓaaɓi po na niini, ɓa sekee nga ɗa ! »
17 Payum ce Yetoro woosa ɗe ne : « Findi fu na tumohe, wa ɗaa haa. 18 Fu hey yaaɓɗe haf fu, fu yaaɓiɗ ɓooɓi na haye nga ɗa ; inii, wa ɓit ɓit, fu minɗaa tum kiik fu.
21 Waaye waaka nga ɓa ɓi ɓo' mitiɗ, nupiɗ Kooh, yurhiɗ, ɓi fu inah ne ɓa waaɗɗi in lewaaɗi ; fu tufkiɗ ɓa, raak ɓi na hee adgohe junni (1000) ɓo', raak ɓi adgohan ɓo' teemet (100), ɓum ɓo' ndaŋkiyaah-yatuus (50), ɓinooɓi ɓo' ndaŋkiyaah. 22 Ɓeem hay ɗah, ɓa atte’ee Kooh-nu-wiis leer ci ƴin-ƴin ciŋ mboolndi, ɓa wikee ɗa ci uupiɗ etoh. Ineem hey ɗa eɗfiɗɗe pangkiŋ ɗa, fu ɓaahana ɓaah na ɓa.
24 Musaa taambiɗta woo kaŋ payum ce jok,