Raakuukaŋ Musaa na findi a mucoh
1 Raakeen ƴaar ŋ Heber ca, ɓaah ŋ cuuɓiŋ Lewi, a tokka ɓitiɓ ŋ cuuɓeem ; 2 ɓitɓeem ammba rook, a raakka kuɓu ƴaar, a hotta ne kuɓka moɗiɗ, a ɗasiɗta ɗe ini ree caɓin kaahay. 3 Wa kaɗta po a minisɗi ɗe ɗasiɗ, a ɓayya pañe teɗohuuɗ paangfi na woyse hapeel2:3 hapeel : wa paangi njooliɗ wi na paare ŋ masuɓ., a reeffaa godirong na daakaande, ne masuɓ aasuu nga, a ɓekka kuɓka nga, a ɗaakkaa ŋ hapeel ca paar ŋ masmaŋ sereendaŋ kalaŋ Niil. 4 Taambɗoh kuɓka, ya ɓitɓa, cangtiɗukka, a markeeɗa ini raakan.
7 Wa taambɗoh kuɓka hot ineem, a woosa ɗe ne : « Fu ɗaas so de', andi fu waaɗiɗ ne ŋ kaɗ ɗa waakɗa ŋ Heber ci ɓitɓi na hee ɗa ɗe ɓapɗiɗe e ? » 8 A woosa ɗe ne : « Ee, kaɗa. » A kaɗta, a hayya na yaayiŋ kuɓka. 9 Kuɓkiŋ Firawnaana woosa yeem ne : « Ɓayaa ɗe, fu ɓapɗiɗee so ɗe, ŋ hey ɗa wirnde. » Ɓitɓa ɓayya ɗe, a ɓapɗeeɗa ɗe.