Pula 2

5 Wa degga ƴissuut, kuɓkiŋ Firawnaana ɓitɓa kaɗta ɓookka ŋ kala, huntoh caŋ ɗe ɓitiɓ ca tiindsukeeɗa ŋ sereendaŋ kala, a ƴokka pañe ŋ ɗooƴ paangiica, a woossa ñaamaŋ ɗe ɓitɓa wa, a ɓayyaa. 6 Kuɓkiŋ Firawnaana kunissaa, a hotta kuɓu ƴaar ŋ ɗooƴa fuɗeeɗa. Kuɓka misikka ɗe, a woosa ne : « A ɓaah ŋ kuɓuuciŋ Heber ci. »

7 Wa taambɗoh kuɓka hot ineem, a woosa ɗe ne : « Fu ɗaas so de', andi fu waaɗiɗ ne ŋ kaɗ ɗa waakɗa ŋ Heber ci ɓitɓi na hee ɗa ɗe ɓapɗiɗe e ? » 8 A woosa ɗe ne : « Ee, kaɗa. » A kaɗta, a hayya na yaayiŋ kuɓka. 9 Kuɓkiŋ Firawnaana woosa yeem ne : « Ɓayaa ɗe, fu ɓapɗiɗee so ɗe, ŋ hey ɗa wirnde. » Ɓitɓa ɓayya ɗe, a ɓapɗeeɗa ɗe.