Wahndeeni
10 Ɗu haɓɗee Wahndeeni ɗah, ɓa ɓayaat hang kassiya, ɓa haɓiɗa naa. Hutiiniŋ wa nikan suung kanak na camban, angiini nik suung na camban, njooliini suung na camban.
11 Fu ula na urus koceet ŋ ɗooƴi na finhoori. Fu haɓɗiɗa banda urus ŋ finhoori po wa wil. 12 Fu hey wa haɓɗiɗe inaa nikiis haa kiñi, ca nikan urus, kot nu nga ɗah raak yino ; ɓak nu nga ɗah raak kiñi kanak. 13 Fu hey wa haɓɗiɗe ndooɗ kassiya, fu ul ca na urus, 14 fu taambiɗ ca ŋ ɗooƴ kiñiici, ca nik ambohaaciŋ wa, ne wahndeeni ɓaysee ɗah. 15 Ndooɗ ceem risan ŋ ɗooƴ kiñiici, ca nihsassanɗi.