Siñaarɗiŋ fikiiriŋ Musaa
29 Wa Musaa ruhus tangooraŋ Sinaay, raak ɗe na atoh ca kanak ca ŋ yaah, atoh ci ɗapas ci na teeɓohe Ambtiɗohi, fikiiriŋ ɗe siñaarɗeeɗa sagu woyi a woyee na Nikiɗi, waaye a inheeɗaa.
30 Wa a ree po Aaruna na Israayel ca jen hotta fikiiriŋ ɗe siñaarɗeeɗa, ɓa kaañɗi ɗe reɓuk. 33 Wa Musaa ƴut woo na ɓa, a muurra fikiiriŋ ɗe.
34 Taambohha ndeem, a kaɗeesa ŋ ɗiskaŋ Nikiɗi ɗah, a nihis muuriŋ ɗe po a puloh nga. A pulohha nga ɗah, a woo Israayel ci ini a ɓayoh nga. 35 Israayel ca marakka fikiiriŋ ɗe ɗah, ɓa hot ne wa na siñaarɗe siñaariɗ, jaar a muura po findi a na dokkohisse woya na Nikiɗi.