Naamooni yasna-kanakɗoh : toɓaŋ atoh caŋ galacaac ca
13 Wa Firawna sang ɓa sikɗuk, Nikiɗi woosa Musaa ne : « Kurka kim na ɓaaɓa teel fu kaɗ ŋ Firawna, fu woo ɗe ne : " Nikiɗi, Koohiŋ Heber ci woo ne : Faɗa ɓooɓiŋ ɗe ɓa kaɗ ɗe ñaamka. 18 weɗi tah, marka, kim ŋ wahtuunii, a hey toɓe atoh galacaac raakiɗ hatil, mand naa raakohɗi ndii, ina Misra nikoh poyi.
22 Nikiɗi woosa Musaa ne : « Raɗsa yaahiŋ ɗa ŋ eel ci, toɓ galacaac keen ŋ Misra, ŋ ɗafuk ɓooɓi na ɗoopaat ci na in ci na guurse ŋ kur ki jen. » 23 Musaa raɗissa ndooɗaŋ ɗe ŋ eel ci, Nikiɗi indngeeɗa, a toɓeeɗa galacaac, melña doheeɗa in ci ŋ kehƴi. 24 In mand ɗaa misik raakohɗi ina Misra nikoh poyi ; toɓaŋ atoh caŋ galacaaca miskohngaana, wa hunee na meleñ te wa keeneeɗa ɗisik nu nik. 25 Wa tapukka in ca nikee ŋ bilaf fa jen na hatil, ɓooɓa na ɗoopaat ca ; wa weersohha kidig ca na in ca soksee ŋ yohon ca. 26 Wa tasee ree ŋ Gosen dong, ɗiska Israayel ca gene.
27 Firawna nakohha ɓeeɗkiɗu Musaa na Aaruna, a woosa ɓa ne : « Waasii ŋ bakaaɗiɗ, a mi na ɓooɓiŋ ngo tooñ, Nikiɗi a yi nik ŋ keeh.
31 Raak guuraah caŋ ɓa, lorsoona ɓiɗseeɗa, leeŋ’a9:31 leeŋ : wa na guurse ne wa teɗohu kulɓa. poseeɗa, tahha po toɓa yahrohha ca. 32 Waaye heet caŋ beleeca kanak ca yahrukoheeɗi sagu mirndoha ca na mirndohe.