12 Wa nikɗi haa ne ŋ rahsiɗ ineem jen po ƴutiɗ, wala ŋ reyiɗ ŋ mit ; waaye mi yii nup ne ŋ amba, findi mi ŋ haf fo Kiristaani Yeesu amboh ho. 13 Ɓaah ciŋ ngo, ini kaɗ nga so, ŋ ambɗi ne ŋ rahsiɗa waaye, raakiɗ ini mi na tume : Mi na alkohe alkoh ini ŋ cootuk te ŋ ndengɗukee ŋ ini ŋ fikiiri. 14 Mi yii nup nup yurhiɗ ngaŋ ɗiski na kaɗse ne ŋ min rahas aafi, aafi tah Kooh ɓeeɗuk ko taamboh ŋ Kiristaani Yeesu ne ŋ kaɗ ŋ ɗafka. 15 Mbaa, ɓoo ɓi nikisɗi komaaki jen ŋ kosi ɓoo kos, ɓoo ambaat liiɓeem ; te ɗu raak ini ɗu hunɗi na so nga ɗah, Kooh hey ɗu wa name inhiɗ.