Kooh tuuƴiɗ Ibrahiima Kanaan
1 Ɓi kahan Tera, ɓeɗ gen ŋ Haaraan po wa raakka mbeh, Nikiɗi woosa Ibram ne : « Faɗa kur ki fu genoh, fu faɗ ɓaah ciŋ ɗa, fu nam faɗ ɓi kahan baabiŋ ɗa ; fu yurah ŋ kur ka maa hee ɗa teeɓe.
4 Ŋ finho inaam, Ibram kaɗta findi Nikiɗi woyoh ɗe wa. Loot, kuɓkaŋ taambɗoh ce, hunee na ɗe. Wa Ibram na kurke ŋ Haaraan waam tel ɗe raakiɗ kiis ndaŋkiyaah-yasna-kanak na kiis yatuus (75).
Saarata ŋ kahan buuraŋ Misra
10 Waam, aɗ raakeen ŋ kur ka, Ibram kaɗta Misra12:10 Misra : weɗ kur ki ɓooɓi na woye "Egypte" woti-woti. ne a nikohaah nga laam aɗa miskeen.
11 Wa a kaɗ po a heeɗa aase Misra, a woosa ɓitiice Saraay ne : « Sikɗuk ko, ŋ inhiɗ ne fu moɗiɗ lool, 12 ɓi Misra hot ɗa ɗah, ɓa hey woye ne fu ɓitiiso te ɓa hey yo ape fu tas. 13 Ngalla ɓoo ree ɗah, fu na woye ne ɓoo taambɗoh taambɗoh ; ineem hey tahe po ɓa taambkoh ho saguufu, te fu hey tahe po, ŋ pes. »