Raakuukaŋ Ismaayla
1 Saraay yi ɓiti Ibram, a raakɗeeɗi ɗe kuɓu, waaye a raakeen ñaam teeku Haajara pulohee Misra. 2 Saraay ɓooffa po a woosa Ibram ne : « Fu hotiɗ ne Nikiɗi hondohiɗ to raak kuɓu, huna na Haajara. Wa miniɗ nik a raak kuɓu, yi nikan yiŋ ngo. » Wa a woo Ibram ineem, a teyɗukka. 3 Saraay, ɓiti Ibram, ɓayya ñaamiŋ ɗe pulohee Misra, Haajara, eɗta ƴaar ce Ibram ɗe, a tummba ɗe ɓitiɓ. Weem, raak Ibram tumiɗ kiis ndaŋkiyaah ŋ Kanaan.
4 Wa a hun na ɗe, a ammba rook. A inahha ne a ɓarang haa, a yappa ɓoyaŋ ɗe Saraay.
15 Ŋ finho ineem, Haajara raakka kuɓu, Ibram teekka ɗe Ismaayla. 16 Ibram raakeen kiis ndaŋkiyaah-yasna-kaahay na kiis yasna-yino (86), wa Haajara raakiɗ ɗe Ismaayla.