3 Wa a kerah woo keem, Ibram ƴekka po pukiŋ ɗe reesa kehƴi, Kooh taalndiɗta woyeeɗa na ɗe, 4 a woosa ɗe ne : « Ambtiɗohiŋ ngo na ɗa, wa na hee tufkohe an : Fu hey nike baabiŋ ɓi cuuɓi cuuɓ, 5 te fu teekissuuɗi Ibram (baab yakɗuuɗ) waaye Ibrahiima (baabiŋ ɓi laayiɗ), laam ŋ hey ɗa tume caaciŋ ɓi cuuɓ laayiɗ. 6 Ŋ hey ɗa tume ɓasil, ɓi cuuɓi cuuɓ hey pulohe nga ɗa, ɓi buur sah hey rimkohe nga ɗa. 7 Ŋ hey ambtiɗohe na ɗa, fu na ɓi na hee rimkohe nga ɗa, gomal nu nik, wa hey nike po faw. Ŋ ineem ŋ hey nike Koohiŋ ɗa na ɓi na hee rimkohe nga ɗa. 8 Te kur ki fu nikoh jaambur wii, wa nikka Kanaan, ŋ hey ɗa wa one jen, fu na ɓi na hee rimkohe nga ɗa, ɗu raakoota po faw ; te ñam na hee nike Koohiŋ ɓa. »

9 Ŋ finho ineem, Kooh woyissa Ibrahiima ne : « E fu na hee taambkohe ɓakiŋ ɗa ŋ ambtiɗohiŋ ngo na ɗa, fu na ɓi na hee rimkohe nga ɗa, gomal nu nik. 10 Taambkohohaat ambtiɗohiŋ ngo na ɗu, fu na ɓi na hee rimkohe nga ɗa, an : Ƴaar nu nik nga ɗu ɗah, joyiɗ nguɗuk, 11 nguɗkeem weɗi na hee teeɓohe ambtiɗohiŋ ngo na ɗu.