Ibrahiima teyɗukɗiɗ Kooh ne a seeƴkoh Isaahha
1 Wa in ceem coot, wa raakka mbeh, Kooh markiskeeɗa Ibrahiima, a woosa ɗe ne : « Ibrahiima ! » Yeem loffa ɗe ne : « Ee, mi yii kerah ɗa. » 2 Kooh taalndiɗta ne : « Ɓaya kuɓkiŋ ɗa yinoori Isaahha, yi fu waaɗ ŋ keeñiŋ ɗa, fu kaɗ ŋ tangoora maa hee ɗa teeɓe ŋ kur kaŋ Moriya, fu seeƴkoh ɗe ŋ ndaam, a nik hoomɗaah wuu so. »
12 Malaakaani woosa ɗe ne : « Kana reɓ kuɓki, kanaa ɗe tum in. Ŋ inhiɗ kotii ne, fu nupiɗ Kooh laam, fu sangiɗɗi so kuɓkiŋ ɗa yinoori. »