Ibrahiima teyɗukɗiɗ Kooh ne a seeƴkoh Isaahha
1 Wa in ceem coot, wa raakka mbeh, Kooh markiskeeɗa Ibrahiima, a woosa ɗe ne : « Ibrahiima ! » Yeem loffa ɗe ne : « Ee, mi yii kerah ɗa. » 2 Kooh taalndiɗta ne : « Ɓaya kuɓkiŋ ɗa yinoori Isaahha, yi fu waaɗ ŋ keeñiŋ ɗa, fu kaɗ ŋ tangoora maa hee ɗa teeɓe ŋ kur kaŋ Moriya, fu seeƴkoh ɗe ŋ ndaam, a nik hoomɗaah wuu so. » 3 Ibrahiima kurukka na ɓaaɓa teel, a ɓessa sokoñ seeƴkoha, a siffa mbaamaŋ ɗe, a hunnda na ñaam kanak ŋ ñaam caŋ ɗe, na kuɓkiŋ ɗe Isaahha ; ɓa kaɗeeɗa ɗiska Kooh woyee ɗe.
5 A woosa ñaam caŋ ɗe ne : « Tasaat ndii na mbaami, mi na njaanji, ɓoo kaɗ ñaamka Kooh ndeen, ɓoo hay. »
7 Ɓa kaɗoh kaɗoh po, Isaahha woosa baabiŋ ɗe ne : « Baab ! » A tahassa ɗe ne : « Ee, mi yii kerah ɗa. » Kuɓka meekissa ɗe ne : « Sokoñ ci ceɗi cii, yongkaahi weɗi wii, moo a nde mbaali joy seeƴkohu ? » 8 Ibrahiima loffa ɗe ne : « E Kooh ŋ haf ce na hee eɗohe mbaali joy seeƴkohu. » Ɓa taalndiɗta kanak, ɓa kaɗeeɗa.
11 waaye malaakaaniŋ Nikiɗi ɓeeɗukka ɗe ŋ eel ci, a woosa ɗe ne : « Ibrahiima ! Ibrahiima ! » A tahassa ɗe ne : « Ee, mi yii kerah ɗa. » 12 Malaakaani woosa ɗe ne : « Kana reɓ kuɓki, kanaa ɗe tum in. Ŋ inhiɗ kotii ne, fu nupiɗ Kooh laam, fu sangiɗɗi so kuɓkiŋ ɗa yinoori. » 13 Ibrahiima jaɗtukka, a hotta mbaal naar na wiic ca longiɗ ŋ kidig ƴin ; a ɓayya ɗe, a hoomiɗta ɗe ŋ ɗiska Isaahha joyee seeƴkohu. 14 Ibrahiima teekka ɗiska "Nikiɗi eɗohiɗ ini etohu." Weɗi tah waam po woti ɓa na woye ne : « Ŋ tangooraŋ Nikiɗi, a hey eɗohe ini etohu. »
18 cuuɓ ciŋ kehƴi jen hey raake barke sagu ɓi na hee rimkohe nga ɗa, laam fu kerhiɗiɗ to. »