14 Ŋ waaɗ ne cafƴi mi na hee kiime masuɓ, a naar meemeeniŋ ɗe a on ndo ŋ an, a nam woo ne, a hey yo anɗiɗe ngeelemb ci ; yeem a yi nikaat yi fu ambiɗ ñaamiŋ ɗa Isaahha. Ineem hey yo inhiɗe ne fu teeɓohiɗ baah kiŋ ɗa ŋ kilifaaniŋ ngo. »
19 Wa Rebeka ƴut, a woosa ɗe ne : « Faɗa ŋ nam aniɗ ngeelemb ci po ca hiƴ. »
27 A woosa ne : « Corka Nikiɗi, Koohiŋ kilifaaniŋ ngo Ibrahiima ; fu teeɓohiɗ baah kiŋ ɗa nga ɗe te fu moosɗi ɗe faɗoh ! Ini kaɗ nga so, fu yurhiɗiɗ to po ŋ ɓaah ciŋ kilifaaniŋ ngo. »
58 Ɓa ɓeeɗukka Rebeka, ɓa meekissa ɗe ne : « Andi fu waaɗiɗ kaɗ na ƴaarii woti ? » A woosa ɓa ne : « Ee. »
67 Isaahha ɓayya Rebeka ɓitiɓ, a waaɗta ɗe lool. A ɓekka ɗe ŋ ɗiipaŋ yaay ɓa, Saarata. Ineem weɗ giifiɗ Isaahha ŋ kakaan kaŋ yaay ɓa.