Yuusufa toksiɗ heeƴ ciŋ Firawnaana
1 Wa degga kiis kanak, Firawnaana, buuraŋ Misra heeƴca. Ŋ heeƴiŋ ɗe, an a nikee ŋ sero kala na woyse Niil.
16 Yuusufa woosa ɗe ne : « A ñam haa, waaye a Kooh na hee eɗohe toksi na hee ɗa doye. »
33 Ɗiski wa nik ndii Firawna, waaka ɓo' ñaañiɗ, heɗ liiɓohaaɗ moɗiɗ, yi fu na hee tufkiɗe, a adgoh kur ki.
40 mbaa ɗah, ŋ hey ɗa adgiɗe, ɓi kur ki jen taambee ŋ woo kiŋ ɗa ; a tiikiŋ buuri ŋ nikoh dong weɗ ŋ uupohan ɗa.
46 Wa Yuusufa na ɓayse ŋ ɗiskaŋ Firawnaana, buuraŋ Misra, tel ɗe raak kiis ndaŋkiyaah-kaahay (30). A kurkohha ŋ ndeem, ne a taambiɗ Misra jen.
51 A teekka saawiŋ ɗe Manasse (tah alkoh) laam a woo ne : « Kooh oniɗ to ini na hee so tahe alkoh miskiɗ ciŋ ngo po caŋ kahan baab ɓoo sah. » 52 A teekka taambɗoha Efrayim (ɓasil) laam a woo ne : « Kooh tumiɗ to ɓasil ŋ kur ki ŋ torhiɗohu. »