16 Yudaa woosa ɗe ne : « Ɓoo raakɗi woyaah, kilifaani, ɓoo minɗi taasuk po ɓoo hool ŋ inii, laam a Kooh wiñ ɓoo. Ɓoo na hee hey ambsukohe jen ɓoo nik ñaam ciŋ ɗa, ɓoo na ƴaari hotu na kaasi. »
Yudaa kiimɗiɗ Benyaamin
18 Weɗi Yudaa reɓoh nga ɗe, a woosa ɗe ne : « Kilifaani ɗaas so, on ndo ŋ woo na ɗa, te kanaa so ayruk, laam fu na Firawnaani, e ɗu hend.
32 Ɓaatta nga, mi, ŋ haf fo, ñam woyee ɗe ne, a ñam deguka, ne ŋ wikɗi ɗe njaanji ɗah, ahhaaneem taambɗaat to ŋ kipes kiŋ ngo jen. 33 Mbaa, mi yii kiim ɗa, kilifaani, ne ŋ tas ndii, ŋ nik ñaamiŋ ɗa, te fu faɗ njaanji, a hun na taambɗoh ciŋ ɗe a haad. 34 Ŋ minɗi dokuk muk ŋ baab ɓoo, te ŋ hunɗi na ɗe. Ŋ minɗi maasoh muk naamooni baab na hee kooɗohe ŋ ineem. »