3 Yuusufa woosa taambɗoh ciŋ ɗe ne : « Ñam Yuusufa, ndah baab ɓoo ris pes ? » Waaye ali ɓo' minɗi ɗe lof nga ɓa sagu tiit.
4 Yuusufa woosa ɓa ne : « Reɓaat nga so. » Ɓa reɓpa. A woosa ɓa ne : « Ñam Yuusufa taambɗoh ɗu, ya ɗu toonee ne a haytohu Misra. 5 Tooni ɗu toon ndo kanaat ɗu misik laam, a Kooh tuuƴ co, ŋ adugka ɗu ndii ne ɗu min muc. 7 Kooh a yi tuuƴ co ndii, ŋ adugka ɗu ne ɗu min raak muc yakiɗ ne cuuɓiŋ ɗu sooƴuu. 8 E ɗu ɓay yo ndii haa, a Kooh. A yi tum mbo kilifaani uup reɓ Firawnaani, ŋ adgohha kahan ce na Misra jen.