Masma ɗumbee kehƴi
1 Wa ineem raak, Nikiɗi woosa Noohin ne : « Aasa ŋ ɗooƴ gaali, fu na ɓi kahan fu laam, ŋ hot ɗa dong yurhiɗ ngaŋ ɓooɓiŋ jamanooniŋ ɗa.
6 Wa Noohin raak kiis teemet-yasna-yino (600), weɗ masuɓ riifɗoh kehƴi. 7 A aaseen ŋ ɗooƴ gaala, a yi na ɓitiice na kuɓuuciŋ ɗe kaahay ci na ɓitiɓ ciŋ ɓa, ne ɓa muc ŋ masma.
11 Weɗ kiis ka Noohin raakoh kiis teemet-yasna-yino (600), wa caɓna kanakɗoha raak neeh ndaŋkiyaah na neeh yasna-kanak (17). Mbaɗi, masma laayohngaana nikee ŋ ɗooƴ kehƴi, pookkaa ŋ ɗisik laayiɗ, wa baliɗta. Eel ci rangsukka, ca nameeɗa juur masuɓ ŋ kehƴi. 13 Mbaɗi, raak Noohin ŋ ɗooƴ gaala, na kuɓuuciŋ ɗe ƴaar ci Sem, Haam na Yaafet, na ɓitiice na ɓitiɓ ciŋ kuɓuuciŋ ɗe. 16 naar na riɓ, findi Kooh woyohee wa. Ƴutta, Nikiɗi rannga buntaanaŋ gaala.
17 Toɓa yuurkeeɗa noha na weka ini ree neeh ndaŋkiyaah-nikiis (40). Masma uupeeɗa nga rap po, wa meeɓpa gaala. 18 Wa ɓaatkeeɗa po, gaala teembeerra ŋ jola. 24 Wa ineem raak, masma rissa oniɗ kehƴi ini ree neeh teemet na neeh ndaŋkiyaah-yatuus (150).