20 Noohin nikka guuroh, a yi koc guur reseñ. 21 Wa raakka mbeh, a annda ŋ biiñaŋ wa po a laarra, a wolsukka po a hoolla ŋ ɗooƴ ɗiipaŋ ɗe. 22 Haam, baabiŋ Kanaan, hotta ɗe tas-ɓarang ; a woosa taambɗoh caŋ ɗe kanak ca nikee ŋ hara wa. 23 Ŋ ineem, Sem na Yaafet ɓayya uuf, ɓa deggaa ŋ yuug caŋ ɓa, ɓa tiindeeɗa paa finho po ɓa reesa, ɓa ulla ɗe wa. Ɓa yurhiɗkoheeɗi na baab ɓa laam ɓa waaɗeeɗi ɗe hot tas-ɓarang.
24 Wa Noohin laarsuk, a inahha ini kuɓkiŋ ɗe ƴini tum, 25 a woosa ne : « Kanaan nikaat ñaami uup heefu ŋ ñaam ciŋ ɓaah ciŋ ɗe. »