Hebreus 10

Seeƴki neɓ Kooh

1 Waasiŋ Musaa, wa in ci baahiɗ ci keeh-keeh ci joy hay haa, wa ñaamaariŋ ca rek. Kiis nu kiis, seeƴkohaaɗ ciŋ wa yino ; wa dokke, wa dokkisse. Ɓi na taambɗee wa ne ɓa reɓ Kooh, wa moosanɗi ɓa min tah mit. 2 Wa mineen tah ɓo' mit ɗah, ɓi na ñaamkohe Kooh ɗaa hee ñaamke waas yino, ɓa hool po faw. Ɓa heeɗi yegisse ɓitkiŋ bakaaɗ ciŋ ɓa po ɓa seeƴke, ɓa seeƴkisse.

3 Seeƴuk ceem na naandse ɓa bakaaɗ ciŋ ɓa kiis nu ree. 4 Ñif miŋ naar ci na wiŋ suket ci moosanɗi min nihis bakaaɗ ci.