19 Ɓaah ciŋ ngo, ɓoo ambaat ne ɓoo miniɗ taamboh ŋ ñif miŋ seeƴkiŋ Yeesu, ɓoo aas supkaaɗi ŋ Ɗiska Hoolohngaana. 20 Ɓoo ambaat ne a rangsiɗiɗ ɓoo waas as, taamboh ŋ ridoonaŋ wa, weɗ ne faaniŋ ɗe. Waaseem, wii pes. 21 Te ɓoo ambaat ne ɓoo raak Seeƴkiɗoh yakak yi adgoh Kahan Kooh, wa nikka ɓooɓiŋ ɗe.

22 Mbaa ɓoo reɓgaat Kooh na keeñ keeh-keeh na ooluk mitiɗ wi puloh ŋ kos, laam keeñ ciŋ ɓoo lisuuɗ ñif miŋ Yeesu ne ca ɓoktu ngaŋ ɓitkiŋ moɗaaɗiici, te faan ciŋ ɓoo ɓookuuɗ na masuɓ hooliɗ.