5 Ɗu alkoh alkoh deng ci ɗu dengse po haa kuɓu e ? Findi Fiis ci woyoh ne :

« Kuɓu, kina heef koɗiŋ Heɗi,

te a woytohee ɗa ɗah, kina faɗsuk.

6 Laam, Heɗi na koɗe ɓoyi a waaɗ,

te ɓi a teyɗuk findi kuɓu jen, ɓeɗ a na laɓe leraw.✝ »

7 Muñaat miskiɗ ci Kooh na degee ɗu, a na degee ɗu ca ne a koɗ ɗu. Laam a amb ɗu findi kuɓuuciŋ ɗe. A yinde kuɓu a yi baabiŋ ɗe na koɗeeɗi ? 8 Koɗi ɓooɓi jen na koɗse, nik ne wa ɗaliɗ ɗu ɗah, ɗu kuɓu keeh-keeh haa, ɗu kuɓu lewaaɗi. 9 Ɓoo jen baab ci rim ɓoo na koɗe ɓoo koɗ te ɓoo kerhiɗiɗ ɓa ; ŋ woyisɗi ɗa Kooh, Baabiŋ ɓoo ; ɓoo kerhiɗaat ɗe, ɓoo min pes.