Kañam ndengiɗ
11 Ini kaɗ ŋ ineem, ɓoo waaɗiɗ woo in laayiɗ nga, waaye kerhohaaɗiŋ ɗu yiih yiih kotii, tahha po wa yooɓɗi ne ɗu teeɓu ini ca tokis. 12 Ina ɗu kosoh poyi, wii joyee ɗu raak jangɗohe, waaye ɗu ris etohiɗ jangɗu in ci na kockohse ŋ in ci Kooh woo. Ɗu etohisiɗ ɓap, ɗu hatilɗi kañam ndengiɗ. 13 Te yaa nu na ɓape ɗah, a gooy ; a meeɗɗi woo ci yurhiɗ ci paaɗ, a minɗi ca inhisoh. 14 Waaye kañam ndengiɗ, wa wuu yakak ci fu inah ne ɓa meeɗɗiɗ haf ɓa inhisoh baahiɗ na baahaaɗi po ƴutiɗ.