Yeesu na Melkisedek
1 Melkisedek yeem, a nikee buuraŋ Salem, a nammba nik seeƴkiɗohiŋ Kooh, yi ŋ ɗafka ɗafka. Wa Ibrahiima laɓ buur ca po a gurdeeɗa, a yi Melkisedek, a yi kee coha na ɗe, a yi barke’iɗ Ibrahiima ŋ cohaam. 2 Ɓaatta nga, Ibrahiima ɓayya ŋ in ca a naafee ŋ buur ca, a eɗta ɗe ndaŋkiyaah nu nik winooriŋ wa.7:2 Camba 14:17-20
Tiikiŋ Melkisedek, wa tokis buuri na tiindɗe waas. Te a nikee buuriŋ Salem, wa tokis buur jam.
4 Markaat findi a yakoh, caaciŋ ɓoo Ibrahiima sah eɗiɗ ɗe ŋ in ca a kooɗohee ŋ hiñohaŋ ɗe na buur ca, ndaŋkiyaah nu nik winooriŋ wa.
9 E ɓi ɓaah ngaŋ Lewi ɓeɗ na eɗse waɗeem, moona deey ɓo' miniɗ woo ne Lewi sah eɗiɗ Melkisedek waɗeem taamboh ŋ Ibrahiima. 10 A yi Lewi, raak ɗe rimuuɗi ndoom, a nikee ŋ ñif miŋ caac ɓa Ibrahiima, wa Melkisedek kaɗ coha na Ibrahiima.