23 Te wa raakissiɗ in wiiriis : Weɗ ne seeƴkiɗoh ci ɓinooɓi laayiɗ sagu kakaan ki ; gomal nu gomal, yaa nu kaannda ɗah, morom ce namsiɗ ɗe, ineem weɗ hondoh ɓa nik seeƴkiɗoh po faw. 24 Waaye Yeesu, kipes kiŋ ɗe heyɗi reehe, weɗ tah a Seeƴkiɗohi moosanɗi namsiɗu. 25 Ineem weɗ tah a namiɗ min muciɗ muc mitiɗ ɓi taamboh nga ɗe ne ɓa reɓ ngaŋ Kooh. Laam, a pesan pes po faw ne a ngelɗee ɓa.
Yeesu a yi Seeƴkiɗohiŋ Ambtiɗohi Asi
26 Seeƴkiɗoh yakak mand ɗaa, a yi ɓoo etohee keeh-keeh, a hooliɗ, a raakɗi bakaaɗ, a raakɗi usuɓ, a saɓsohuuɗ na bakaaɗoh ci te Kooh meeɓiɗ ɗe po ŋ ɗafuk Eel ca. 27 A mandɗi na seeƴkiɗoh ci yakak ci ɓinooɓi ne mbeh nu nik, ɓa joyiɗ seeƴuk sagu bakaaɗ ciŋ ɓa haf ɓa, po ƴut, ɓa seeƴkis sagu caŋ ɓooɓa.7:27 Lewiici 9:1-24; 16:1-34; Kind ci 28:1–29:39 Yeesu seeƴkiɗ waas yino po faw wi a eɗoh haf ce ne a hooliɗ bakaaɗ ci.