Jibriil gapohiɗ raakuukaŋ Yeesu
26 Wa Elisabet nik ŋ caɓnaŋ ɗe yasna-yino’ɗoh, Kooh woossa malaakaaniŋ ɗe Jibriil ŋ kur ka nik ŋ Galile na woyse Nasareet. 27 A tuuƴ ɗe ŋ cafaƴ inhaaɗi ƴaar na woyse Maryaama. Maryaama yeem, fiira nguɗee cakiim nga ɗe teeksee Suseef te a ɓaahee ŋ cuuɓiŋ Dawuuda.
28 Malaakaana reɓpa, a woosa ɗe ne : « Mi yii kañiɗ ɗa Maryaama, fu yi baahohu ; Heɗ ɓoo a yi na ɗa. »
36 Marka, Elisabet yi ndaamu nga ɗa, a rook ; a hey raake kuɓu ƴaar ŋ kiɓitfiŋ ɗe wii. A yi ɓooɓi woyee ne, a jaasir jaasir, moona a rook po wa raakiɗ caɓin yasna-yino. 38 Maryaama loffa ne : « Mi deey, ŋ ñaamiŋ Heɗ ɓoo. Ineem rahsaat to findi fu woyoha. » Malaakaana cootta.
Maryaama ŋ ɗiskaŋ Elisabet
39 Ŋ neeh caam, Maryaama arra kaɗ ŋ kur, ŋ tangoocaŋ Yudee.
56 Maryaama ɓooffa ŋ ɗiskaŋ Elisabet ŋ ini ɗal ree caɓin kaahay, wala wa uupa, ƴutta a haadda.