Marta na Mari
38 Wa raakka mbeh, Yeesu na taalubeeciŋ ɗe kaɗeeɗa po ɓa aassa ŋ kur, ɓitiɓ geneen nga teeku Marta, a daliɗta ɗe ŋ kahan ce. 39 A raakeen taambɗoh na woyse Mari, yeem ɓooffa ŋ ɗiska na Heɗ ɓoo Yeesu a sikɗukeeɗa ɗe. 40 Waaye Marta, e taambkohaŋ hanheeca laayɗa ambee ɗe. A hayya ŋ Yeesu, a woosa ɗe ne : « Kilifaani, fu hotoh inii na ? Taambɗoh ho faɗiɗ to kiik ko na pangki. Woyaa ɗe a amboh ho book. » 41 Heɗ ɓoo Yeesu loffa ɗe ne : « Marta, Marta, in ci hondoh ɗa raak jam laayiɗ, 42 waaye in yino dong weɗi raak etoh. Mari kooɗ ini uup baah te wa nihsassanɗi nga ɗe. »