Nguuriŋ-Kooh na raakiɗ ci
18 Ƴaar ɓaah ŋ ɓa adgohee Yawuut ca meekissa Yeesu ne : « Jangɗohohi baahiɗi, ŋ joy ye haɓiɗ po ŋ raak kipes ki heyɗi reehe ? » 22 Wa Yeesu kerah ina a woo, a loffa ɗe ne : « Wa in yino weɗ fu tas haɓiɗ. Toona in ci fu raak jen, fu paysoh ca ñakiɗ ci, fu hey raake alal ŋ Eel ci. Ƴut ɗah, fu hay, fu ñaakiɗ to. » 23 Ƴaara nikee ɓo' raakiɗ lool, tahha po wa a kerah woo keem a goyya. 24 Yeesu hotta ne a goyiɗ, a woosa ne : « Heɗ raak-raak aas ŋ Nguuriŋ-Kooh wa in ye miskan. 25 Ngeelemb aas ŋ ngul kufic weɗ uup yooɓ heɗ raak-raak aas ŋ Nguuriŋ-Kooh. »
26 Wa ɓooɓa kerah woo keem, ɓa woyeeɗa ne : « Kon a ya ɓa min mucɗu ? » 27 Yeesu loffa ɓa ne : « Ini wooñ ɓooɓi wooñɗi Kooh. »