Luk 2

Raakuukaŋ Yeesu

1 Ŋ jamanoocaam, buura yakkaŋ Rom teeksee Ogis nakohha ne tiik caŋ ɓooɓa jen fiissaat. 2 Fiisiŋ tiik ceem nikka wa koc, wa hendee ŋ jamanoona Kiriñus nikoh goornooraŋ Siri. 3 Ŋ ineem, yaa nu nga ɗah, kaɗeeɗa ne a fiisu ŋ kur ka a cosaankoh. 4 Suseef nammba puloh kur ka na woyse Nasareet ŋ Galile, a kaɗta Betlehem ŋ Yudee, kur ɓi Dawuuda laam a ɓaahee ŋ ɓi rimkoh nga ɗe. 5 A kaɗta bindka na ɓitiice Maryaama tel ɗe rook.