22 Wa neeh ca ɓa farsukohee reeh findi waasiŋ Musaa nakoha, ɓa ɓayya kuɓka Yerusalem ne ɓa eɗ ɗe Heɗ ɓoo.
Simeyong na Aana yakɗiɗ Kooh sagu Yeesu
25 Ŋ Yerusalem, raakiɗ ƴaara teeksee Simeyong nga, a nikee ƴaar yurhiɗ te a kerhiɗta Kooh, a nikee sekeeɗa mbehi Israayel hirpohsan. Fuuɗsi Hoolohngaani, Fuuɗsiŋ Kooh nikee na Simeyong. 27 Fuuɗsi Hoolohngaani hiirra ɗe ŋ kaɗ Kahan Kooh, raak Maryaama na Suseef ɓayiɗ Yeesu ne ɓa wik ɗe Kooh findi waasiŋ Musaa nakoha.
36 Wa nameen raak woosuuɗ ɓitiɓ teeku Aana, a nikee kuɓu Fanuwel yi ɓaahee ŋ cuuɓiŋ Aser. A ɓitfeen lool ; wa kilookiŋ ɗe coot, a pesiɗ kiis yasna-kanak na ƴaar ce, yeem kaannda, 37 a rissa raakaaɗi ƴaar. A raakee kiis ndaŋkiyaah-yasna-kaahay na kiis nikiis (84). A meeɗɗi kurkoh ŋ Kahnaŋ Kooh, a oreeɗa, a kiimeeɗa Kooh noh na wek ; a nikiɗohee ɗe ɗaa. 38 A maasoheen wa Simeyong na woye, a nammba gidim Kooh, a woyeeɗa ɓooɓa seke faɗsuukiŋ Yerusalem jen ini kaɗ ŋ kuɓka.