Ya ɓa uup nik kilifa ?
24 Woo nammba kuruk ŋ harmban ɓa, ɓa taastiɗohee ne yinde uup nik kilifa nga ɓa. 25 Yeesu woosa ɓa ne : « Buur ciŋ kur ci na uupee ɓooɓiŋ ɓa doole te kilifaaci teek haf ɓa tumoh baahiɗ ci. 26 Waaye wa joyɗi nikoh ɗaa nga ɗu. Ɓoyi uup nik kilifa nga ɗu, a mandaat na ɓoyi uup ƴissuut ; te ɓoyi adug nga ɗu, mandaat na ɓoyi na taambkohe. 27 Ɓoyi ɓoof ñame na ɓoyi na taambkohee ɗe, ya ɓa uup nik kilifa nga ɓa ? A ɓoyi na ñame haa e ? Moona mi yii ŋ harmban ɗu findi ɓoyi na taambkohe.