Yeesu hultiɗ
1 Ŋ mbehi taamb ŋ wi na iɗsiɗkohse na ɓaaɓa teel, ɓitiɓ ca ɓayya cuuraay ca ɓa haɓɗee, ɓa kaɗta ruy-ruyaŋ Yeesu. 2 Wa ɓa ree, ɓa raak atoh fa yakka rangee wa pilnginuuɗ. 3 Ɓa aassa, waaye ɓa hotɗi fiɗaafaŋ Heɗ ɓoo Yeesu nga. 4 Ɓa inahɗi ini ɓa haɓɗan, weɗi ɓo' kanak teeɓkoh ɓa, ɓekkiɗ kulɓa na melciɗe melciɗ. 5 Ɓa tiitta, ɓa hiirra kip. Ƴaaɓa woosa ɓa ne : « Wa ye tah ɗu markee ɓoyi na pese ŋ kaaniɗ ci ? 6 A nikɗi ndii, a hultiɗuuɗ ! Naandsukaat ina a woyee ɗu, wa a nik na ɗu ŋ Galile. 7 A woyee ne : " Kuɓkiŋ ɓoyi joyiɗ eɗu bakaaɗoh ci, ɓa daaƴ ɗe ŋ kurwaa, ŋ neeha kaahayɗoh a hulit. " »