6 Wa raakissa jamano, ŋ mbehi na iɗsiɗkohse, Yeesu aassa ŋ sinaagoga, a jangɗoheeɗa. Wa raakeen ɓo' nga, yaahiŋ ɗe ñaahmi ɓeendkee ɓeenduk. 7 Jangɗohoh caŋ waasiŋ Musaa na Farisen ca markiɗeeɗa Yeesu andi a hey wirɗohe ŋ mbehi na iɗsiɗkohse, ɓa raak yambaah ɗe. 8 Yeesu inhee inah ini ɓa liiɓee, tahha po a woosa ƴaara na yaaha ne : « Kurka fu tufuk ŋ fiki ɓooɓi jen. » Ƴaara tufukka ŋ fiki ɓooɓa. 9 Yeesu woosa ɓa ne : « Ŋ meekis ɗu, wa ye teyɗohu ŋ mbehi na iɗsiɗkohse, in baahiɗ wala in baahaaɗi ? Ɓo' joy joy hirpu nga wala a joy joy apu ? » 10 Ŋ ineem, a marakka ɓa jen, a woosa ƴaara ne : « Raɗsa yaahiŋ ɗa. » Ƴaara raɗissa yaahiŋ ɗe, wa wirra peng.